KaszEd je tekstową editorą (Microsoft Windows 9x / ME / 2000 / XP) ë równoczasno pierszą kaszëbskojazëkòwą programą. Ùsôdzonô osta òna, przez karno dobrowòlników, kòl kùńca 2002 rokù. Ùdba ta pòwsta dlô rozkòscérzaniô kaszëbsczégò jãzëka w jinternéce ë òglowi jinformaticé.
Starnë te są na dzysô ju archiwalné, programa równak mòże dali zladowac z tich starnów ë jã zwëczajno brëkòwac.
KaszED ùprzëstãpniony je jakno freeware (co òznôczô zwëczajno blós tëli, że mòże gò kòżdi darmôk ë na swòjowòlną ùdbã, brëkòwac ë dali ùprzëstãpniac).
KaszEd je editorã letczim w brëkùnkù, dôwô mòżnota sprôwianiô awansowónëch tekstowich operacëjów. Dôwô òn m.jin. mòżnotã òtmëkniô ë zapisëwaniô lopkòwich fòrmatów taczich jakno: TXT, RTF i HTML, zamëkô òn w se m.jin. taczé tekstowé òptacëje jakno: ùgrëbianié, ùchëlanié czë podsztrichanié, dôwô òn téż mòżnotã wstôwianiô swòjowólnëch lëterów ë òbrôzków.
Wnet wszëtczé òptacëjë programë przëstãpné są w kaszëbsczim jãzëkù.
Apartnim, w czas ùsôdzeniô KaszEda, mërką bëło ùżëczënié wszëtczich kaszëbsczich lëtrów ze skrodzënów (tzw. chùtczich klucze), co daje mòżnotã pisaniô w ti programie pò pòlskù ë kaszëbskù.
KaszEd òstôł napisóny w Borland Delphi.